28 jun 2012

DESPEDIDA


O importante non é chegar, é o camiño.
Grazas por ter compartido unha parte del.
Xusto.
Despois de 11 anos aprendendo algo sobre a orientación educativa nos colexios de Curtis e Teixeiro, chega o momento de despedirse. Foron uns anos moi interesantes a nivel profesional e persoal.
Desexaría agradecer a colaboración de toda a comunidade educativa, comezando por todos os rapaces e rapazas que durante estes anos pasaron polos nosos colexios, e, como non, polas súas familias.
Pero especialmente a todos os meus compañeiros e compañeiras nos que atopei sempre un gran respecto e axuda en todo momento. Con moitos, despois de tanto tempo, xa se forxou unha boa amizade.
Unha aperta moi forte e ata sempre.

COMEZO CURSO

O mércores día 12 setembro comezarán de novo as clases. BO VERÁN!!!!!

21 jun 2012

COMEZA O VERÁN

Hoxe comeza o verán e mañá as vacacións. 

Para  poder pasalo ben xogando e repasando este verán  olímpico 2012 preme na imaxe

12 jun 2012

COMO REACCIONAR AOS SUSPENSOS

Co remate das clases, chega o verán, e con el as cualificacións. Nun artículo publicado no xornal La Vanguardia faise unha reflexión sobre os suspensos, danse ideas para enfrontalos e pautas para evitalos.
O verán (1573). Giusseppe Arcimboldo

BENVIDA

Recibimos ao alumnado de 3 anos que vai comezar a asistir aos nosos centros o próximo curso.
Estas son as fotos da visita.
CEIP DE CURTIS

CEIP DE TEIXEIRO

Deixámosvos estes dous enlaces a documentos nos que se recolle información complementaria á facilitada na visita sobre o período de adaptación e a lexislación de educación infantil.
¡BENVIDOS! ¡BENVIDAS!

7 jun 2012

SOMOS ASÍ - UNIDOS PARA CAMBIAR O MUNDO

SOMOS é unha iniciativa que agrupa moitas ONG coa finalidade de fomentar a solidaridade na sociedade e para recoñecer todo o que as persoas que colaboran con elas fan cada día. É unha homenaxe ás persoas que colaboran actualmente e unha invitación a outras para que se sumen ao soño de cambiar o mundo.
Para demostrar que se queremos podemos cambiar algo, o 8 de xuño propóllennos que saiamos con algo do revés (xersei,, camiseta, pantalón, reloxo, ...).
MAÑÁ, 8 DE XUÑO SAL CON ALGO DO REVÉS.
Máis información da campaña e da teoría da solidariedade en www.somosasi.org 


5 jun 2012

MAIO-MES DAS FAMILIAS

Deixamos unhas fotos das actividades coas que colaboraron tres nais durante o mes de maio no CEIP de Curtis co alumnado de E.Infantil. MOITAS GRAZAS POLA VOSA COLABORACIÓN!!
Comezamos coa nai de Alia que nos falou dos coidados que precisan as nosas mascotas e descubrimos moitas curiosidades sobre elas.

    A nai de Salma explicounos onde se inventaron os selos, para que sirven, ...
e tróuxenos unha colección feita polo seu irmán cando era pequeno.

Coa nai de Alba aprendemos como funcionan os nosos ollos, como os debemos coidar, ... e moitas máis cousas do seu traballo na óptica.

31 may 2012

O MUNCYT ABRE AS SÚAS PORTAS

Mañá 1 de xuño abre oficialmente as súas portas o Museo Nacional de Ciencia e Tecnoloxía da Coruña (Muncyt). Para celebrarlo, a entrada ao museo durante o mes de xuño será de balde. O horario de apertura será de martes a venres de 10.00 a 17.00 horas, e os sábados, domingos e festivos, de 11.00 a 15.00 horas.
Cabina do Boeing 747 que trouxo o Guernica de Picasso a España. Adquirido en 2009.

FESTA VOZ NATURA

Voz Natura celebrará a súa tradicional festa fin de  curso o sábado 2 de xuño, a partir das once da mañá, no parque deportivo de Acea de Ama, en Culleredo (A Coruña). Está invitado todo o mundo que queira asistir, con entrada libre e participaciòn gratuíta en todas as actividades.
Máis información premendo a imaxe.

29 may 2012

REMATAMOS!!!

A partir da proposta do equipo de dinamización da convivencia e despois de dous cursos colaborando entre todo o profesorado e o alumnado do CEIP de Curtis, xa temos o túnel decorado coas nosos debuxos. Non parece o mesmo!! Grazas a todos e todas !!

ASÍ SE FIXO.


28 may 2012

MAIO - MES DAS FAMILIAS

Comezamos a semana pasada cunha actividade de pintura que preparou a nai de Aitor de 5 anos. Resultaron ser uns debuxos máxicos. QUE BONITOS QUEDARON!!

E rematamos o venres coa nai de Antía de 3 anos  que é monitora de tempo libre. Organizounos uns xogos moi divertidos e ensinounos unhas cancións preciosas. QUE BEN O PASAMOS!!.
Moitas grazas ás dúas.

26 may 2012

CONFERENCIA EMILIO CALATAYUD

Hoxe asistimos en Bergondo a unha magnifica conferencia do coñecido xuíz de menores andaluz Emilio Calatayud. Nela relatou a súa visión da problemática familiar, social, ... cos menores e expuxo as sancións que utiliza habitualmente no seu xulgado.
Para os que non puideron asistir deixamos este vídeo doutra conferencia realizada en Andalucía.
Moi interesante o decálogo para formar un delincuente.

24 may 2012

QUE FACER ESTA FIN DE SEMANA

A festa das flores de Curtis que se vai celebrar esta fin se semana vaivos ter moi ocupados/as á maioría, pero para os/as que desexen algo máis tranquilo recomendamos:
- As actividades de LUCUS CULTURAL que comezan este sábado para quentar motores para o ARDE LUCUS.
- O concerto en familia do Festival Mozart da Coruña: Romeo e Xulieta. Sábado 26 no Pazo da Ópera ás 12:30 (entradas 2 e 3 euros).
Prado de Curtis. María Antonia Dans.
(Preme aquí para ver máis obras da pintora)

22 may 2012

PREPARÁNDONOS PARA A ESO

No seguinte cartel atoparás información de interese para a seguinte etapa que estás a piques de comezar.

17 may 2012

17 MAIO - DÍA DAS LETRAS GALEGAS

Valentín Paz Andrade (elcorreogallego.com)
Hoxe, 17 de maio, coma todos os anos desde  adíacase o día ás LETRAS GALEGAS. Neste caso o autor homenaxeado é Valentín Paz Andrade. Podedes obter máis inforamación sobre el, actividades, xogos, enlaces de interese, ... no blog do Equipo de Normalización e Dinamización Lingüística do Centro (édlingua) ou na páxina da Coordinadora de ENDL.


CON OLLOS DE NENO/A

Estupendo libro que recolle as magníficas viñetas de Francesco Tonucci que invitan a reflexionar e a ver  a escola con ollos de neno/a.

15 may 2012

DÍA DO MUSEO

O próximo venres día 18 celébrase o día do museo polo que se pode visitar calquera de balde. Na páxina do Sistema Galego de Museos ( MUGA) podedes atopar información de todos os museos de Galicia
.S/T (cuadro)
Figura humana. Luis Seoane. 1959. Museo Belas Artes (A Coruña)

11 may 2012

QUE FACER ESTA FIN DE SEMANA

Esta  fin de semana, ademais de pedir a vosa colaboración nas actividades que propuxemos ao alumnado relacinadas coa familia, querémosvos ofrecer unha guía de novidades de libros en galego elaborada pola Consellería de Cultura (Libros infantís e xuvenís de Galicia 2012) e un recompilatorio de música infantil en galego realizado pola Coordinadora Galega de Equipos de Normalización de  Dinamización Lingüística, onde podederedes atopar libros e cancións en galego cos que celebrar o próximo Día das  Letras Galegas.
Como exemplo, neste vídeo únese literatura e música na canción baseada na historia de A toupiña que quería saber quen lle fixera aquilo na cabeza.

MAIO - MES DA FAMILIA

Este martes tivemos un moi bo comezo das actividades nas as familias están colaborando. O luns, a nai e a tía de Horacio (5º Nivel de EI do CEIP de Teixeiro) estiveron ensinando a todo o alumnado e o profeseorado de educación infantil como facer napolitanas, croissants e palmeiras.
QUE SABOROSAS QUE ESTABAN!!! Moitas grazas pola súa colaboración.


7 may 2012

PRÁCTICAS ONLINE

Interesante páxina para realizar prácticas ou pequenas probas sobre diversos temas matemáticos, ciencias, xeografía, inglés, español, ... Pódese graduar o nivel de dificultade, seleccionar tempo, ...

6 may 2012

APRENDER A DEFENDERSE

Nalgunha ocasión, desde as familias dáselle a consigna aos rapaces e rapazas de "Non pegues, pero se che dan ...". Relacionado coas habilidades sociais que traballaremos durante este mes na escola, convén que desde a casa tamén se reforce a utilización de estratexias axeitadas para defender as súas ideas, as súas opinións e os seus dereitos.
Accedede á reflexión dunha nai sobre este tema no su blog.

O baño (boceto) . Joaquín Soroya. 1989

HABILIDADES SOCIAIS

Durante este mes continaremos reforzando a mellora da autoestima do alumnado, procurando que adquiran as habilidades sociais necesarias para defender a propia opinión e respectar as ideas alleas.Estes son os carteis motivadores en galego e en inglés.Cartel defender opinóns

View more presentations from docurtis.

ACTIVIDADES TITORÍA MAIO

Proposta de actividades de titoría para este mes.
A persistencia da memoria (detalle).Dalí. 1931

TIC NA AULA


Arte contemporánea dixital. Ángel Estévez.


Nesta páxina podemos acceder a máis de 10.000 enlaces web que facilitan o uso das TIC na aula. Os recursos están clasificados por etapas, niveis e áreas.
Ademais, tamén están recollidas probas da avaliación diagnóstica de cursos pasados.

3 may 2012

QUE FACER ESTA FIN DE SEMANA



Esta fin de semana recomendamos acudir o sábado ao Parque de Santa Margarita da Coruña, onde se celebrará o XVII Día da Ciencia na Rúa desde as 11 da mañá ata as 7 da  tarde. Infórmate de todas as actividades e participantes premendo na imaxe.

Ademais conincidindo con esta data, os museos científicos  (DOMUS, CASA DAS CIENCIAS, ACUARIO), o MUNCYT (inaugurado hoxe venres) e o MUSEO ARQUEOLÓXICO terán unha xornada de porta abertas, polo que a entrada será de balde. Teredes autobuses que irán percorrendo a cidade e parando nos lugares relacionados con esta festa da ciencia.

28 abr 2012

QUE FACER ESTA FIN DE SEMANA

Esta fin de semana recomendamos ... LUGO, porque o sábado día 28 comeza a I Edición Guecho Skate Battle Lugo 2012  e o domingo 29 a IX Semana Internacional Maxia en Lugo coa Gala Inaugural "LUGOMÁXICO 2012", pero o martes 1 de maio no Auditorio Municipal Gustavo Freire do Parque da Milagrosa ás 18:00 terá lugar a Gala Infantil: Ludus.

De camiño podes pasar pola Sala de Exposicións do Centro Social Uxío Novoneyra para gozar da Exposición colectiva en favor da Sociedade Protectora de Animais de Lugo na que colaboran 39 artistas plásticos e, como non, dar un paseo pola muralla romana de Lugo, Patrimonio da Humanidade desde o ano 2000.

Máis información sobre a axenda cultural da cidade premendo na imaxe.

27 abr 2012

DEBERES ¿SI OU NON?

Una familia. Fernando Botero. 1989
Os deberes é un tema de debate de sempre, que actualmente volve a ser titular en moitos xornais pola controversia creada en Francia. Neste artículo, Jesús Jarque expón a súa opinión sobre o tema. 

Son tamén interesantes as orientacións  para o estudo na casa que dá o mesmo autor no seu blog. 

26 abr 2012

CONTACONTOS


Estupenda sesión de contacontos do alumnado de 3º e 4º de EP do CEIP  de Curtis aos compañeiros e compañeiras de E,Infantil. Sentimos non ter fotografías da sesión do CEIP de Teixeiro que tamén resultou magnífica.

IMAXINARTE XOGOS

Accede á páxina de xogos da revista Muy interesante: sudokus, encrucillados, pasatempos, dados, ... que axudarán a que mellores a atención, a memoria, a linguaxe, o cálculo, ...
Cadrados con círculos concéntricos. Kandinsky. 1913.


PÁXINAS EDUCATIVAS

Paisaje de Ceret. 1913. Juan Gris.
Paisaxe de Ceret. 1913. Juan Gris 
Interesantne recompilatorio de páxinas web educativas realizado polo CEIP Juan Gris de Madrid.
Accede premendo na imaxe.

25 abr 2012

OUTRAS FORMAS DE MULTIPLICAR

Queres aprender outras formas de multiplicar creativas e divertidas?

NON SEI QUE FACER!!!

Mafalda. Quino.
Moitos dos comportamentos dos nenos e nenas que queremos eliminar son reforzados porque lles prestamos demasiada atención, cando o mellor xeito de conseguir que desapareza é non prestarlle atención.

Sobre este e outros aspectos a "Supernanny" da bos consellos nos seus vídeos. Moi recomendable tamén o titulado "non se convence a un neno falando, senón con consecuencias".

22 abr 2012

9 MANEIRAS DE ODIAR A LECTURA

Folleto ás  familias elaborado polo Departamento a partir dunha reportaxe  en Cadernos de Literatura Infantil e Xuvenil. Nov 2005.

View more presentations from docurtis.

19 abr 2012

QUE FACER ESTA FIN DE SEMANA


Esta fin de semana, ademais de poder aproveitala para pensar nalgunha actividade para participar no centro no mes das familias e sacar algunha fotografía para a exposición: ler para convivir, convivir para ler, enviámosvos tres propostas de Teatro.

PACAMA

PACAMA é unha exploración de xogos entre dous amigos que antes de durmir descobren un mundo de aventuras que lles distrae do sono. 
KATARSIS
Dirección: Omar Alvarez y Kevin Stewart
Públiconen@s de 1 a 5 anos
Duración: 40 minutos
Funcións: sábado 21 ás 19.00 h.; domingo 22 ás 12.30 e 19.00 h.
Entradas: 5’00  €




CONTOS DO CESTIÑO


Hai algún tempo que este cestiño vai polo mundo adiante. Antes, levou peixe para un pescador, e despois fartouse de ir de feira en feira, dunha man a un ombreiro, dun ombreiro a unha cabeza.

Isto, e moitas outras cousas, me contou este cestiño cando nos atopamos por primeira vez.
Contos modernos, lendas, clásicos..., segundo o que saia do cesto.

RAQUEL QUEIZÁS
DirecciónRaquel Queizás
Públiconen@s a partir de 3 anos
Duración: 50 minutos
Función: 19.00 h.
Entradas4.00 € (abono 3 familiar, 10.00 €


STORYROOM

de Joshua Mc Carey

Benvidos ao StoryRoom! Un cuarto ao que estarás sempre invitado para escoitar contos dramatizados en inglés para toda a familia.  

Dirección: Joshua Mc Carey
Público: niñ@s a partir de 5 años
Duración: 40 minutos
Función: 17.00 hrs.
Entradas: 5’00  €